පිදුම

7

Category :



තොසින් නොවුනත් නිබඳ - ගමන ජීවන කතර
සිතින් නොම වියැකුණිය - දිරිය බාධක අතර
ගසින් පිපි මල් කැකුළු - සුවඳ විහිදන දසත
සිතින් දැක හෙට දිනක් - දුකම වින්දා නොවෙද...

පෙරුම් පිරුවා නොවේ - සසර මතු බුදුවන්න
සුසුම් හෙළුවා සහක් - නුඹ අපිට නොදැනෙන්න
ගිමන් හැරීය නැතත් - ගත විඩා දුරලන්න
පැතුම් පැතුවා දිනෙක - අපේ ලොව දිනවන්න...

සුළං රොද පවා විත් - දෑතේ කරගැට වලට
රිදුම් දෙන බව දනිමි - නොකීවත් නුඹ අපට
සිතින් විඳි දුක වුවත් - එයින් සැනහී නිබඳ
පතන ලොව තනමි මම - පුදන්නෙමි නුඹ නමට...





7 ප්‍රතිචාර:

නුවන් said...

මට බං හිතෙන්නෙ තාත්තට ලිව්වා කියල.
එහෙමද??

අසරණයා said...

මට හිතෙන්නෙත් තාත්ත ගැන කියල.ඇතුලටම දැනුනා.

නන්ඳු said...

සිතින් දැක හෙට දිනක් - දුකම වින්දා නොවෙද...

ලස්සන සිතුවිල්ලක ලස්සන පද ගැලපුමක්.. :)

KusH said...

@Nuwan Tharaka & @අසරණයා

එහෙම හිතුවත් වැරැද්දක් නෑ සහෝ.....:)

KusH said...

@ නන්ඳු
ගොඩක් ස්තුතියි යාලුවා....:)

කලාකාරයා said...

වැඩේ ලස්සනයි.හැබැයි තව පාරක් කියවන්න ඕන වගේ

KusH said...

ගොඩක් ස්තුතියි යාලුවා..:)
ආයෙත් කියවන්න ඕන වගේ කිව්වෙ කවියේ තේරුම ගැනද?

Post a Comment

හිතට එන ඕනම දෙයක් මෙතන කියලා යන්න.

.